श्री भगवती स्तोत्रम, जय भगवति देवि नमो वरदे | Shri Bhagwati Stotram Lyrics In Hindi

श्री भगवती स्तोत्र | Shri Bhagwati Stotram Lyrics



जय भगवति देवि नमो वरदे, जय पापविनाशिनि बहुफलदे

जय शुम्भनिशुम्भकपालधरे, प्रणमामि तु देवि नरार्तिहरे।

.

जय चन्द्रदिवाकरनेत्रधरे, जय पावकभूषितवक्त्रवरे

जय भैरवदेहनिलीनपरे, जय अन्धकदैत्यविशोषकरे।

.

जय महिषविमर्दिनि शूलकरे, जय लोकसमस्तकपापहरे

जय देवि पितामहविष्णुनते, जय भास्करशक्रशिरोऽवनते।

.

जय षण्मुखसायुधईशनुते, जय सागरगामिनि शम्भुनुते

जय दुःखदरिद्रविनाशकरे, जय पुत्रकलत्रविवृद्धिकरे।

.

जय देवि समस्तशरीरधरे, जय नाकविदर्शिनि दुःखहरे

जय व्याधिविनाशिनि मोक्षकरे, जय वांछितदायिनि सिद्धिवरे।

.

एतद्व्यासकृतं स्तोत्रं य: पठेन्नियतः शुचिः,

गृहे वा शुद्धभावेन प्रीता भगवती सदा।